Стратегиялык жоспары


		Қазақстан Республикасының Орталық сайлау комиссиясы

ҚР ОCK 2010¬2014 жылдарға арналған стратегиялық жоспары

Қазақстан Республикасы Орталық сайлау комиссиясының 2010 - 2014 жылдарға арналған стратегиялық жоспары

Стратегиялық жоспардың құрылымы
1. Қазақстан Республикасы Орталық сайлау комиссиясының миссиясы мен пайымы
2. Ағымдағы жағдайды талдау
3. Қазақстан Республикасы Орталық сайлау комиссиясы қызметінің стратегиялық бағыттары, мақсаттары мен міндеттері
4. Мемлекеттік органның функционалдық мүмкіндіктері мен ықтимал тәуекелдері
5. Стратегиялық жоспар негізделіп әзірленген нормативтік құқықтық актілер
6. Бюджеттік бағдарламалар

1.Қазақстан Республикасы Орталық сайлау комиссиясының миссиясы мен пайымы
• Ортсайлаукомның миссиясы – еркін және әділ сайлау мен референдумдар өткізу жолымен азаматтардың тікелей және өз өкілдері арқылы мемлекет істерін басқаруға қатысу құқықтарын қамтамасыз ету;
• Ортсайлаукомның пайымы – Қазақстан Республикасында азаматтардың ерік білдіру еркіндігі мен сайлау процесіне қатысушылардың сайлау құқықтары мен бостандықтарын іске асыру кепілдіктерін қамтамасыз ететін әділ, шынайы және еркін сайлау мен референдумдар өткізу.

2. Ағымдағы жағдайды талдау
Есепті кезең ішінде Ортсайлауком республиканың сайлау комиссияларының қызметін үйлестірді, барлық сайлау процесі субъектілерінің сайлау туралы заңнаманы орындауын бақылауды жүзеге асырды, оның бірыңғай қолданылуын, Республиканың бүкіл аумағында орындалуы міндетті, қажетті шешімдерді өз құзыретінің шегінде қабылдай отырып, қамтамасыз етті.
Ортсайлаукомның ағымдағы міндеттері сайлау іс-қимылдары мен тетіктерінің барлық сайлау процесіне қатысушылар үшін барынша ашықтығын және қол жетімділігін қамтамасыз ету; сайлау комиссияларының қызметі, сондай-ақ сайлау науқанының барысы туралы уақтылы, дұрыс және толық ақпаратты сайлаушылардың алу құқықтарын іске асыруды; сайлау ұйымдастырушылардың кәсіби біліктілігін арттыруды, сайлаушылардың қоғамдық белсенділігін, олардың азаматтық жауапкершілігін дамытуды қамтамасыз ету; халықаралық байқаушыларды Қазақстан Республикасындағы сайлау мен референдумдарға шақыру және аккредиттеу әрі Қазақстан Республикасының азаматтарын шет мемлекеттердегі сайлауды байқауға қатысу үшін жіберу жөніндегі жұмысты үйлестіру болып табылады.
Аталған міндеттерді шешу мақсатында Стратегиялық жоспарда сайлау процесінің ашықтығын қамтамасыз ету бөлігінде сайлау заңнамасын одан әрі жетілдіру, сондай-ақ құқық қолдану тәжірибесін жетілдіру көзделген. Сондай-ақ сайлау процесіне қатысушыларды құқықтық оқыту жөніндегі жұмыстың тиімділігін арттыру, барлық деңгейдегі сайлау комиссияларының мүшелерін оқыту жүйесін жетілдіру қажет.

3. Қазақстан Республикасы Орталық сайлау комиссиясы қызметінің стратегиялық бағыттары, мақсаттары, міндеттері, индикаторлары және көрсеткіштері
Стратегиялық бағыты:

Азаматтардың тікелей республикалық референдум мен еркін сайлау арқылы билікті жүзеге асыруға конституциялық құқықтарын іске асыру

Мақсат 1.1.	Мақсаттық индикатор:
Сайлауды әзірлеу мен өткізуді ұйымдастыру	комиссиялардың іс-әрекеттеріне байланысты шағымдар санының қысқаруы (1 %- ға)
Міндет:	Көрсеткіштері:
1.1.1. Сайлау комиссияларының жұмыс жасауын қамтамасыз ету, әдістемелік материалдар әзірлеу Обеспечение функционирования избирательных комиссий, разработка методических материалов	Сайлау комиссияларының қызметін әдістемелік қамтамасыз ету және бақылау
1.1.2. Парламент Сенатының депутаттары мен шығып қалғандардың орнына депутаттар сайлауын өткізу	Парламент Сенаты депутатының 1 мандатына кандидаттар саны; шығып қалған мәслихат депутатының 1 мандатына кандидаттар саны
1.1.3. Сайлау және референдум туралы заңнаманың сақталуын бақылау	Аумақтық комиссияларды тексерулер саны
1.1.4. Электрондық дауыс беру саласындағы халықаралық стандарттарға сәйкес келетін Қазақстан Республикасы электрондық сайлау жүйесінің мемлекеттік стандартын әзірлеу және пайдалануға енгізу, «Сайлау» автоматтандырылған ақпараттық жүйесінің қолданылу аясын кеңейту	«Сайлау» автоматтандырылған ақпараттық жүйесінің қолданылу аясын кеңейту
1.1.5. Қазақстан Республикасы Президентінің сайлауын өткізу	1 мандатқа кандидаттар саны
1.1.6. Парламент Мәжілісі депутаттарының кезекті сайлауын өткізу	Партиялық тізімдер бойынша сайланатын Мәжіліс депутатының 1 мандатына кандидаттар саны; Қазақстан халқы Ассамблеясы сайлайтын Мәжіліс депутатының 1 мандатына кандидаттар саны
1.1.7. Барлық деңгейдегі мәслихаттар депутаттарының кезекті сайлауын өткізу	Облыстық мәслихат депутатының 1 мандатына кандидаттар саны; аудандық, қалалық мәслихат депутатының 1 мандатына кандидаттар саны
Мақсат 1.2.	Мақсаттық индикатор:
Сайлау процесінің ашықтығын арттыру	Азаматтардың сайлау процесіне сенім деңгейін арттыру, сондай-ақ дауыс беру күні сайлаушылардың келу пайызын арттыру (1 %- ға)
Міндет:	Көрсеткіштері:
1.2.1. ОСК және сайлау комиссияларының қызметін жария ету	БАҚ-қа шығу саны; шыққан баспа материалдарының саны
1.2.2. Сайлау процесіне қатысушылардың құқықтық мәдениетін арттыру	Өткізілген семинарлардың, дөңгелек үстелдердің саны
1.2.3. Аппарат қызметкерлерінің біліктілігін арттыру	Мемлекеттік қызметшілерге мемлекеттік тілді үйрету; мемлекеттік қызметшілерге ағылшын тілін үйрету; Ортсайлауком қызметкерлерін Қазақстан Республикасы Президенті жанындағы Мемлекеттік басқару академиясының бағдарламалары бойынша біліктілігін арттыру курстарына жіберу
Мақсат 1.3.	Мақсаттық индикатор:
Сайлау саласындағы халықаралық міндеттемелерді орындау	Халықаралық байқаушылардан түсетін ескертулер мен ұсынымдардың санын қысқарту (10 %- ға)
Міндет:	Көрсеткіштері:
1.3.1. Шетелдік байқаушыларды тарту	Елдер саны; халықаралық ұйымдардың саны
1.3.2. Шет мемлекеттердегі сайлауды байқауға қатысу	Елдер саны

4. Мемлекеттік органның функционалдық мүмкіндіктері мен ықтимал тәуекелдері
Қазақстан Республикасы Орталық сайлау комиссиясының функционалдық мүмкіндіктері
Бірыңғай белгіленген ережелерге сәйкес Ортсайлауком аппараты қызметкерлерінің қызметін бағалаудың рейтингілік жүйесін Ортсайлауком жалғастыратын болады.
Ортсайлауком қызметкерлерінің кәсіби деңгейін арттыру үшін (даярлау, қайта даярлау және біліктілігін арттыру) әрбір қызметкер қызметінің тиімділігін одан әрі жетілдіруге ықпал ететін қолайлы еңбек жағдайлары жасалатын болады.
Сайлау заңнамасы саласындағы халықаралық ынтымақтастықты кеңейту және тереңдету, шет мемлекеттердің сайлау органдарымен халықаралық байланыстарды дамыту және нығайту жөнінде шаралар қабылданатын болады.
Қазақстан қосылған халықаралық актілерге сай ерлер мен әйелдердің тең құқықтары мен тең мүмкіндіктерін іске асыру, сондай-ақ олардың Ортсайлауком қызметі аясында шешімдер қабылдау процесіне және азаматтық қоғам тіршілігінің басқа да аспектілеріне тең қатысуы қамтамасыз етілетін болады.

Ықтимал тәуекелдер

Тәуекел атауы	Уақтылы ден қою шараларын қабылдамаған жағдайдағы ықтимал салдарлар	Басқару тетіктері мен шаралары
Сайлауды сапасыз ұйымдастыру және өткізу	Мүдделі мемлекеттік органдар мен жергілікті өзін-өзі басқару органдарының қызметін үйлестірудің жоқтығынан жағымсыз нәтижелердің туындауы	Тиісті мемлекеттік органдар басшыларының дербес жауапкершілігін арттыру
Төмен тұрған сайлау комиссиялары қызметкерлерінің білікті еместігі	Төмен тұрған сайлау комиссиялары қызметкерлерінің оларды сайлауды өткізу кезеңінде жұмысқа тарту салдарынан туындайтын төмен кәсіби мүмкіндіктері	Барлық деңгейдегі сайлау комиссияларының мүшелерін оқыту жөніндегі жұмыстың тиімділігін артыру

Стратегиялық жоспар негізделіп әзірленген нормативтік құқықтық актілер
- Қазақстан Республикасының Конституциясы;
- «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңы;
- «Республикалық референдум туралы» Қазақстан Республикасының 1995 жылғы 2 қарашадағы Конституциялық заңы;
- Қазақстан Республикасының 2008 жылғы 4 желтоқсандағы Бюджет кодексі;
- Қазақстан Республикасы Президентінің «Қазақстан халқының әл-ауқатын арттыру - мемлекеттік саясаттың басты мақсаты» атты Қазақстан халқына 2008 жылғы 6 ақпандағы Жолдауы;
- Қазақстан Республикасы Президентінің «Қазақстан Республикасының Орталық сайлау комиссиясы туралы Ережені бекіту туралы» 1996 жылғы 11 қарашадағы № 3205 Жарлығы;
- Қазақстан Республикасы Президентінің «Қазақстанның 2030 жылға дейінгі даму стратегиясын одан әрі іске асыру жөніндегі шаралар туралы» 2001 жылғы 4 желтоқсандағы № 735 Жарлығы;
- Қазақстан Республикасы Президентінің «Қазақстан Республикасының құқықтық саясат тұжырымдамасы туралы» 2002 жылғы 20 қыркүйектегі № 949 Жарлығы;
- Ортсайлаукомның қаулылары.