|
|
| Құрметті ханымдар мен мырзалар! |
 |
Шет мемлекеттер мен халықаралық ұйымдар байқаушыларының, шетелдік бұқаралық ақпарат құралдары өкілдерінің (бұдан әрі – бақ) Қазақстан Республикасы Парламенті Мәжілісінің және мәслихаттарының депутаттарын сайлауға қатысуын біз сайлау процесінің ашықтығы мен жариялылығын қамтамасыз етудің, азаматтардың сайлау құқықтары мен бостандықтарын жүзеге асырудың, демократиялық сайлау саласындағы халықаралық стандарттардың орындалуының маңызды шарттарының бірі ретінде қарастырамыз.
Сіздердің назарларыңызға Қазақстан Республикасы туралы жалпы мағлұматтар ұсынамыз. Қазақстан Орталық Азияда, Еуразия құрылығында орналасқан. Жер аумағы – 2.724.900 шаршы шақырым. (1.049.150. sg, miles).
Халқы -15 млн. 074,2 мың адам.
Астанасы - астана қаласы.
Қазақстанда 14 облыс, 84 қала, олардың 39 - республикалық және облыстық бағынысты, 160 аудан, 163 кент, 2346 ауылдық (селолық) округ бар.
Мемлекеттiк тiл – қазақ тiлi, мемлекеттік ұйымдарда орыс тілі ресми түрде қазақ тілімен тең қолданылады.
Қазақстанда мемлекеттік билік бiртұтас және тұрақты негізде іс-әрекет жасайтын екі Палатадан: Сенат пен Мәжілістен тұратын Парламент жүзеге асыратын заң шығарушы билікті қамтиды. Атқарушы билікті құрамына орталық органдар (министрліктер мен агенттіктер) мен жергілікті органдар (әкімдіктер) кіретін Үкімет жүзеге асырады. Сот билігін мемлекеттік соттар (Жоғарғы Сот пен жергілікті соттар) жүзеге асырады.
Қазақстан жаңа қоғамдық-саяси даму кезеңіне қадам басты. Конституциялық реформа тарихи мәнге ие және ол демократия ұғымын нақты мазмұнмен барынша толықтыра отырып, бұдан әрі аршынды дамуға жәрдемдесетін болады. Республика президенттік басқару нысанынан президенттік-парламенттік басқару нысанына көшті.
Қазақстан Республикасы Президентінің «Үшінші шақырылған Қазақстан Республикасы Парламентінің Мәжілісін тарату және Қазақстан Республикасы Парламенті Мәжілісі депутаттарының кезектен тыс сайлауын тағайындау туралы» 2007 жылғы 20 маусымдағы Жарлығымен және «Қазақстан Республикасы мәслихаттары депутаттарының кезекті сайлауын тағайындау туралы» Қазақстан Республикасы Орталық сайлау комиссиясының 2007 жылғы 21 маусымдағы қаулысымен 2007 жылғы 18 тамызға Қазақстан Республикасы Парламенті Мәжілісінің партиялық тізімдер бойынша сайланатын депутаттарының кезектен тыс сайлауы және Қазақстан Республикасы мәслихаттары депутаттарының кезекті сайлауы тағайындалды.
2007 жылғы 20 тамызда Қазақстан Республикасы Парламенті Мәжілісінің Қазақстан халқы Ассамблеясы сайлайтын депутаттарының кезектен тыс сайлауы өтеді.
Мәжілістің 107 депутатының ішінде 98 депутат партиялық тізімдер бойынша барабар өкілдік жүйесі бойынша және біртұтас жалпыұлттық сайлау округінің аумағы бойынша сайланады. мәжілістің тоғыз депутатын Қазақстан халқы Ассамблеясы сайлайды.
Мәслихаттардың 3335 депутатын сайлау балама негізде өткізіледі. 550 депутат 14 облыстық және Астана, Алматы қалалық мәслихаттарын-да, 2160 депутат 160 аудандық және 625 депутат 37 қалалық мәслихатта сайланатын болады.
Парламент Мәжілісі депутаттарын және мәслихаттар депутаттарын сайлау жалпыға бiрдей, тең және төте сайлау құқығы негiзiнде жасырын дауыс беру арқылы жүзеге асырылады.
Сайлауға Қазақстан Республикасының он сегіз жасқа толған және жалпыға бірдей белсенді сайлау құқығына ие азаматтары қатысады.
Қазақстан Республикасының Конституциясына сай сайлау азаматтың сайлау және сайлану құқығын еркін жүзеге асыруына негізделеді. ешкімнің азаматты сайлауға қатысуға немесе қатыспауға мәжбүрлеуге, сондай-ақ сайлаушының ерік білдіруін шектеуге құқығы жоқ.
|
|
|
|
|
|
